ROMASCOT

ROMASCOT
alias Romepenny Angl. Donarius Petri Latin. Ab Offa Rege Anglorum, seu Merciorum pendi coepit. Hic enim cum regnâsset annos 36 votumque concepisset, de Coenobio Britannorum Protomartyri St. Albano magnificentissime statuendo, ad Adrianum I. Romam profectus est: a quo cum humaniter exceptus esset, postridie scholam Anglorum, quae tunc Romae floruit, ingressus; destinavit ad sustentationem gentis suae illie viventis singulos argenteos de familiis singulis, quibus mediocres essent opes, singulis annis, in perpetuum pendendos: exceptâ terrâ S. Albani Monasterio conferendâ: quâ libertate obtinuit, ut de regno Angliae nullus publice paenitens, pro exsecutione sibi iniunctae paenitentiae, subiret exilium. Apellatus est autem Petri denarius, iste nummus, quia praefatus Rex die S. Petri, qui dicitur, Ad vincula, S. Albani reliquias invenit, et annuum hunc reditum ipsô die Romnae Ecclesiae, pro redemptione animae suae. ad sustentationem videlicet scholae memoratae, contulit. Duravit eius solutio, usque ad
Henricum VIII. qui illam statutô 25. abrogavit. Restituta quidem An. 1. et 2. Philippi et Mariae, sed denuo abrogata est An. 1. Elizabethae. Item Denarius Petri, Anglice Romescot, Romfeah, et Romepenny, census annuus unius denarii, e qualibet samilia, Romae persolutus, ad festum S. Petri; Hunc instituit primo Inas Occidental. Saxonum Rex, Malmesber. in Hist. nonnullis id Offae Regi adscribentibus. Illum Eduardus III. A. C. 1365. regni 39. deinceps pendi aut ab Anglis amplius colligi prohibuit: Fuit aut em summa 300. Marcarum. De Atelwlfo, patre Aluredi Regis primo Monarcha, quod Denarium Petri spectat, in Chronicis, kcirca A. C. 858. scriptum reperisse se refert Spelmannus, eum concessisse solvi Romae 300. marcas singulis annis, quae tali modô dividerentur: videlicet centum in honorem S. petri, specialiter ad lumen Ecclesiae eius; centum in honorem S. Pauli, eadem de causa; praeterea centum Papae, ad suas Eleemosynas ampliandas, Glossar. Archaeol. Vide quoque Malmesber. Matth. Westmonasteriensem, ad A. C. 794. et supra in voce Anglia. DIOECESES ANGLIAE AD DENARIUM DIVI PETRI OLIM CONFERENTES Bathoniensis solvebat libras 12. solidos 5. Cantuariensis, l. 7. s. 18. Cicestrensis, l. 8. Coventrensis, l. 10. s. 10. Eborum, l. 11. s. 10. Eliensis, l. 5. Exoniensis, l. 9. s. 5. Herefordensis, l. 6. Lincolcensis, l. 42. Londinensis, l. 16. s. 10. Norwicensis, l. 21. s. 10. Roffensis, l. 5. s. 12. Sarum, l. 17. Wigorniensis, l. 10. s. 5. Wintoniensis, l. 17. s. 5. denar.8.

Hofmann J. Lexicon universale. 1698.

Look at other dictionaries:

  • CENSUS Ecclesiae Romanae in provinciis — quibus colligendis quotarmis mittebantur a Pontifice Diaconi, aut Subdiaconi vel Legati, ut ex Epiitolis Gregorii M. Nicolai I. Ep. 55. Innocentii III. l. 15. Ep. 166. 167. aliis, colligitur; conflabantur ex liberalitatibus Principum, qui centis… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.